SHGM dhe SPGPM: Të zbardhen plotësisht dyshimet për përgjimin e gazetarëve në RMV

Maqedoni

Gazeta Express

02/09/2025 15:12

Shoqata e Gazetarëve të Maqedonisë (SHGM) dhe Sindikata e Pavarur e Gazetarëve dhe Punonjësve të Medias (SPGPM) thonë se po ndjekin me shqetësim serioz informacionin në lidhje me rastet e mundshme të mbikëqyrjes së paligjshme të gazetarëve dhe punonjësve të medias në periudhën 2019–2024, për të cilat publiku u informua së fundmi përmes një informimi për gazetarët nga Agjencia e Sigurisë Kombëtare (ASK).

Përveç kësaj, shtojnë ata, të hënën, kryeministri dhe drejtori i ASK-së i bënë thirrje publikisht Prokurorisë Publike të reagojë dhe të sqarojë rastin në lidhje me këto akuza, përcjell Gazeta Express nga Portalb.mk.

Ne besojmë se çdo ndjekje e paligjshme e komunikimeve mund të përbëjë kërcënim serioz për lirinë e medias dhe të drejtën e publikut për t’u informuar. Gjithashtu kujtojmë se rregullorja e re e Parlamentit Evropian, Akti Evropian për Lirinë e Medias (EMFA), ndalon qartë çdo mbikëqyrje të paligjshme të gazetarëve dhe përcakton një detyrim për shtetet anëtare dhe vendet kandidate për të siguruar mbrojtje efektive kundër praktikave të tilla.Rastet e tilla, nëse vërtetohen, lënë një ndjenjë pasigurie tek gazetarët dhe dëmtojnë besimin në institucione. Për këto arsye, u bëjmë thirrje autoriteteve kompetente të veprojnë urgjentisht dhe ekskluzivisht në bazë të ligjit, me qëllim sigurimin e transparencës dhe llogaridhënies së plotë në interes të publikut.Presim që prokuroria dhe gjyqësori të veprojnë me përgjegjësi dhe pa vonesë, me qëllim mbrojtjen e lirisë së medias dhe sigurimin e sigurisë ligjore për të gjithë gazetarët dhe punonjësit e medias në vend. Në të njëjtën kohë, u kërkojmë partive politike dhe mbajtësve të funksioneve të larta publike të përmbahen nga deklaratat dhe llogaritjet e ndërsjella në të cilat përdorin emra gazetarësh, pasi kjo mund të thellojë polarizimin në shoqëri dhe të nxisë gjuhën e urrejtjes drejtuar gazetarëve.Ju kujtojmë se skandali me përgjimin masiv të paligjshëm të vitit 2015, kur u njoftua se komunikimet e mijëra qytetarëve, përfshirë një numër të madh gazetarësh, u monitoruan në mënyrë të paligjshme, ende nuk ka marrë zgjidhje të përshtatshme gjyqësore, pavarësisht përpjekjeve të shoqatave gazetareske. Pothuajse dhjetë vjet më vonë, disa nga procedurat po zvarriten ose po përfundojnë pa vendime përfundimtare, dhe gazetarët që u prekën drejtpërdrejt ende presin drejtësi. Kjo edhe një herë konfirmon nevojën që institucionet të veprojnë urgjentisht, në mënyrë të pavarur dhe pa ndikim politik.SHGM dhe SPGPM mbeten të gatshme të ofrojnë ndihmë dhe mbështetje ligjore për të gjithë gazetarët që mund të jenë dëmtuar ose të drejtat e të cilëve janë shkelur. Federata Evropiane e Gazetarëve (EFJ), anëtare të plota të së cilës janë të dy organizatat, do të informohet për zhvillimin e këtij rasti.Reagimi vjen pasi të premten se Agjencia e Sigurisë Kombëtare kishte paraqitur tre raporte në Prokurorinë Publike në lidhje me një ish-drejtor dhe një grup punonjësish të ASK-së për shkak të indikacioneve për sjellje të paligjshme, joprofesionale dhe joetike.Kryeministri Hristijan Mickoski dhe drejtori aktual i Agjencisë, Bojan Hristovski, i konfirmuan mbrëmë, duke iu përgjigjur pyetjeve gazetareske në kremtimin e përvjetorit të themelimit të ASK-së. Si Mickoski ashtu edhe Hristovski nuk donin të hynin në detaje sepse, siç thanë ata, dokumentet klasifikohen si sekrete shtetërore, por të dy shprehën pritjen që çështja të marrë një zgjidhje ligjore dhe ata që janë përgjegjës do të ndëshkohen.Kujtojmë se në vitin 2016, kur Zoran Zaev shpaloste bombat, u zbulua se, përmes tri sistemeve për ndjekje të komunikimeve në DSK, në periudhën prej vitit 2008-2015 në mënyrë joligjore janë ndjekur 4.286 numra telefonik për të cilët aspak nuk janë dhënë urdhra gjyqësor. Komunikimi është ndjekur para se të dorëzohen dhe pas përfundimit të kohëzgjatjes së vlerës së urdhrit gjyqësor  me numër 1.541 ose gjithsej 5.827 numra telefonik. Janë përgjuar mbi 20 mijë qytetarë.