Shefi i OKB-së e konsideron sulmin e Izraelit në Katar si shkeljen flagrante të sovranitetit

Lajme

Gazeta Express

09/09/2025 19:03

Sekretari i Përgjithshëm i OKB-së, Antonio Guterres, dënoi sulmin e Izraelit në Katar që e konsideron si “shkelje flagrante të sovranitetit dhe integritetit territorial të Katarit”.

Duke folur në një konferencë për shtyp, ai tha se sapo kishte mësuar për sulmin ndaj Katarit, të cilin e përshkruan si “një vend që ka luajtur një rol shumë pozitiv për të arritur një armëpushim dhe lirimin e të gjithë pengjeve”.

“Të gjitha palët duhet të punojnë për të arritur një armëpushim të përhershëm, jo ​​për ta shkatërruar atë”, thotë shefi i OKB-së, ka raportuar BBC, transmeton Gazeta Express.