SHBA dhe Gjermania përplasen publikisht pasi AfD u kualifikua nga shteti si parti ekstremiste

Lajme

Gazeta Express

03/05/2025 7:56

Sekretari Amerikan i Shtetit dhe Ministria e Jashtme e Gjermanisë janë përplasur publikisht në rrjetin social “X” pasi shteti gjerman e kualifikoi partinë “AfD” si ekstremiste, shkruan Gazeta Express.

Rubio ka kritikuar shtetin gjerman se i ka thënë më shumë të drejta agjencisë së inteligjencës për të vëzhguar opozitën. Sipas Sekretarit Amerikan, ajo çfarë është ekstremiste, s’është AfD, por politikat e shtetit gjerman për imigracionin, të cilat AfD i kundërshton.

Ndaj kësaj kritike të hapur të Rubios s’kanë qëndruar pa përgjigje as gjermanët, duke thënë se historia ka mësuar që ekstremizmi i djathtë duhet të ndalet.

“Kjo është demokracia. Ky vendim është rezultat i një hetimi të plotë dhe të pavarur për të mbrojtur Kushtetutën dhe sundimin e ligjit tonë. Janë gjykatat e pavarura ato që do të kenë fjalën e fundit. Ne kemi mësuar nga historia jonë se ekstremizmi i krahut të djathtë duhet të ndalet”, është kundërpërgjigjur Ministria e Punëve të Jashtme e Gjermanisë./Express/

Germany just gave its spy agency new powers to surveil the opposition. That’s not democracy—it’s tyranny in disguise.

What is truly extremist is not the popular AfD—which took second in the recent election—but rather the establishment’s deadly open border immigration policies…

— Secretary Marco Rubio (@SecRubio) May 2, 2025