Sfida 75 ditore e fitnesit që u bë viral në internet pas Vitit të Ri – çka realisht i bën ky trend trupit tuaj

Ushqimi/Dieta

Gazeta Express

07/01/2025 20:14

Ekspertët kanë paralajmëruar kundër provës së një sfide të re të fitnesit që u bë virale në internet, e cila përfshin ushtrime dy herë në ditë dhe konsumimin e sasisë ekstreme të ujit për të optimizuar nivelet e fitnesit brenda vetëm dy muaj e gjysmë.

Sfida “75-Hard” ka pushtuar rrjetet sociale, me më shumë se një milion video të shpërndara nga përdoruesit që dokumentojnë përvojën e tyre me këtë regjim ushqimor dhe ushtrimesh.

Krijuar nga autori dhe podkasteri amerikan Andy Frisella në vitin 2019, plani strikt thuhet se shkakton “transformime fizike dhe mendore” përmes pesë elementeve kryesore.

Më të rëndësishmet janë dy ushtrime prej 45 minutash në ditë, të cilat mund të jenë “çfarëdo që ju duhet bazuar në nivelin tuaj të fitnesit,” sipas faqes së internetit të Frisella-s.

Pjesëmarrësit duhet gjithashtu të konsumojnë tetë gota ujë (rreth 4.5 litra) në ditë, të ndalojnë konsumimin e alkoolit, të ndjekin një dietë të shëndetshme dhe t’i kushtojnë të paktën 10 minuta në ditë leximit të literaturës jo-fiktive, për përfitime mendore.

Por ekspertët kanë paralajmëruar se plani jo vetëm që është i parealizueshëm, duke bërë që pjesëmarrësit të mos e ndjekin gjatë, por mund të çojë në probleme serioze shëndetësore.

Pija e më shumë se dy litrave ujë në ditë pa ushtrime intensive mund të ndikojë në ekuilibrin e hollë të kripërave në trup, duke shkaktuar një sërë simptomash shqetësuese si presion i ulët i gjakut, të përziera, të vjella dhe spazma muskulare.

Në rastet më të rënda, problemi mund të çojë në kriza dhe madje në koma.

@bebecita.lisa 2025 the year of completing goals #CapCut #75hard #75hardchallenge #healthylifestyle #2025goals #motivation #75hardrules #fitness #winterarc #manifestation #inspiration ♬ IT Girl – ✮

@hyroxtrainingdiaries 75 Hard Day 7 ✅🫶🏼 #75hard #75hardchallenge #hyroxtraining #hyroxprep #dayinthelife ♬ Sweet Heat Lightning – Gregory Alan Isakov

“Nëse pini shumë ujë, bëheni të hidratuar më shumë se duhet dhe zhvilloni hiponatremi, që do të thotë se përqendrimi i kripërave është shumë i ulët,” tha Profesori Peter Watt, një ekspert i shkencës së sportit dhe ushtrimeve në Universitetin e Brighton-it, transmeton GazetaExpress.

“Kjo mund të shkaktojë probleme të tjera me presionin e gjakut dhe shëndetin e përgjithshëm.

Të pish një katër litra ujë është ekstreme. Madje dy litra në ditë ndoshta nuk janë të domosdoshme për të ruajtur lëngjet.”

Kryesisht rekomandohet që të konsumohen rreth dy litra – rreth gjashtë deri në tetë gota – lëngje në ditë, dhe më shumë nëse ushtroni ose nëse është mot i nxehtë.

Por përdoruesit e rrjeteve sociale kanë mbështetur përfitimet e planit, me një grua që pretendon se ajo humbi më shumë se 12 kilogramë dhe të tjerë që thonë se i “transformoi” marrëdhëniet e tyre me ushqimin.

Frisella, themeluesi i sfidës, pretendon në faqen e tij se sfida “75-Hard” është “programi i vetëm që mund të ndryshojë përgjithmonë jetën tuaj, nga mënyra juaj e të menduarit, deri te niveli i disiplinës me të cilën i qaseni çdo detyre përpara jush.”

Duke ndarë imazhe dramatike “para dhe pas,” që dokumentojnë se si plani përmirësoi tonusin e muskujve të tij, ai theksoi se “ndryshimet mendore janë 100 herë më të mëdha se ato fizike.”

Në faqen e tij, ai pretendon se ata që kanë ndërmarrë sfidën janë bërë “udhëheqës më të mirë në punë,” “kanë rritur të ardhurat e tyre” dhe kanë marrë “kontroll të plotë të jetës së tyre.”

Dy persona që kanë përfunduar sfidën gjithashtu ndanë përvojën e tyre përmes rrjeteve sociale.

Devamsha Gunput, 29 vjeç, nga Edinburgu, e cila përfundoi sfidën 75-Hard marsin e kaluar, ndërkohë që punonte me kohë të plotë si konsulente dixhitale, i tha BBC-së se sfida ishte “e parehatshme.”

Por ajo tha se tani ushtron më rregullisht dhe se kjo ka “transformuar” marrëdhënien e saj me ushqimin.

Sophie Deakins, 27 vjeç, gjithashtu përfundoi sfidën 75-Hard vitin e kaluar ndërsa punonte si asistente menaxhere në një kinema në Londër.

Ajo tha se sfida ndihmoi për të ndryshuar mendësinë e saj dhe i rriti vetëbesimin.

Trajnerja e forcës dhe kondicionit Tana von Zitzewitz tha se ata që po mendojnë të bëjnë këtë sfidë do të kenë nevojë për shumë kohë shtesë, gjë që e bën të vështirë ndjekjen.

“Ka shumë presion për njerëzit që të transformojnë jetën e tyre në këtë periudhë të vitit,” i tha ajo BBC-së.

Ajo sugjeroi që ata që dëshirojnë të fillojnë një rutinë të re fitnesi duhet të zgjedhin një plan që është më pak i rreptë dhe më i këndshëm.

Ndërkohë, mjeku i NHS-së, Sam Whiteman, tha se është e pamundur që 75-Hard të ofrojë përfitime më të mëdha sesa çdo plan tjetër i shëndetshëm i ushqimit dhe fitnesit.

“Nëse është çështje nëse kjo është më mirë sesa të shkosh në palestër tre herë në javë ose të shkosh për një vrap një herë në javë dhe të hash shëndetshëm, atëherë nuk jam i sigurt,” i tha ai BBC-së

Nuk është hera e parë që fillimi i vitit shoqërohet me çmenduri të reja të shëndetit dhe fitnesit.

Regjimi ndjek tendencat e tjera ekstreme të fitnesit, përfshirë djegien e 600 kalorive në 60 minuta dhe sfidën e 100 përsëritjeve, që përfshin kryerjen e 100 përsëritjeve të një ushtrimi të vetëm çdo ditë për një muaj.

Pandemia e Covid-it solli një shpërthim të një sfide fitnesi të quajtur “everesting,” e cila përfshinte ngjitjen e kodrave në një lartësi prej 8,848 metrash — të njëjtën lartësi si Mali Everest.

Disa njerëz e përfunduan me biçikleta, vrap ose duke marrë pjesë në një stafetë për të përfunduar detyrën kolosale.

Sipas shkencës të rriturit nga mosha 19 deri në 64 vjeç të kryejnë të paktën 150 minuta aktivitet me intensitet të moderuar në javë.

Kjo mund të jetë 30 minuta në ditë, pesë ditë në javë. Përndryshe, mund të kryeni 75 minuta aktivitet me intensitet të lartë në javë.

Ajo sugjeron një përzierje të aktiviteteve për forcimin, si joga, ngritja e peshave ose mbajtja e çantave të rënda të blerjeve, aktivitet të moderuar që rrit rrahjet e zemrës si një shëtitje e shpejtë ose një udhëtim me biçikletë, dhe aktivitet të lartë si një vrap ose not. /GazetaExpress/