Sezoni i ri në basketboll nis këtë javë, FBK-ja publikon orarin e Superkupës

Sport

Gazeta Express

04/09/2024 17:04

Në fundjavë nis sezoni i ri basketbollistik në Kosovë.

Spektakli do të fillojë në qytetin e Prizrenit, i cili do të jetë nikoqir ku do të organizohet Superkupa e Kosovës në Basketboll, shkruan “Gazeta Express”.

Në ndeshjet çerekfinale, fituesja e Kupës, Superkupës, por edhe kampionia Trepça do të ndeshet me Borën, që ka hyrë nga Liga e Parë, derisa Sigal Prishtina do të ndeshet me Vëllaznimin.

Të dielën sfidë interesante shihet mes Pejës dhe Proton Cable Prizrenit dhe Golden Eagle Yllit e Bashkimit.

Më 9 shtator do të zhvillohen ndeshjet gjysmëfinale, derisa finalja më 11 shtator./GazetaExpress/