Setien: Messi ka nevojë të pushojë, por Barcelona s’e përballon dot mungesën e tij

Gazeta Express

12/07/2020 8:23

Trajneri i Barcelonës, Quique Setien, e ka pranuar se Lionel Messi ka nevojë të pushojë por klub nuk ishte në gjendje ta pushonte për ndeshjen e së shtunës mbrëma kundër Real Valladolidit, të cilën mezi e fitoi 1:0.

Arturo Vidal e shënoi golin vendimtar në minutën e 15-të, falë asistit nga Messi, i cili ishte i 20-ti këtë sezon për argjentinasin, transmeton Gazeta Express.

Megjithëse e mbizotëroi posedimin e topit, skuadra e Setien vuajti për ta siguruar fitoren dhe Messi u detyrua të luante 90 të plotë.

Meqë Barcelona është ende në luftë për titull në La Liga edhe pse ngel prapa Real Madridit në renditje, trajneri i saj e pranon se, edhe pse Messit i duhet të pushojë, ndeshjet si ajo kundër Valladolidit nuk janë të duhurat për ta flijuar atë.

“Natyrisht”, tha Setien në konferencë për media pas ndeshjes kur u pyet se a pa pasur nevojë për pushim Messi.

“E kam thënë edhe më parë, ama rezultati sonte ishte shumë i ngushtë”, shtoi ai.

“Sikur të kishim shënuar më shumë gola në pjesën e parë, mbase do të kishim pushuar më shumë lojtarë. Ekipi u lodh” theksoi ai.

/Gazeta Express /