Seanca konstituive vazhdon të premten në ora 11:00

Lajme

Gazeta Express

21/05/2025 11:45

Tentimi i LVV-së për formimin e një komisioni për votim të fshehtë për zgjedhjen e kryeparlamentarit sërish nuk kaloi, kështu që seanca dështoi edhe sot.

Kryesuesi i seancës, Avni Dehari bëri të ditur se seanca tjetër do të mbahet të premten nga ora 11:00.

“Ndërpritet seanca, takohemi më 23 maj në orën 11:00”, tha Dehari.

Kjo është hera e 19’të që deputetët e zgjedhur u mblodhën për ta konstituar përbërjen e re parlamentare të dalë nga zgjedhjet e mbajtura më 9 shkurt.

Ky proces ka ngecur te zgjedhja e kryetarit të kuvendit.

Për këtë pozitë, VV po këmbëngul në emrin e Albulena Haxhiut duke thënë se “është gruaja më e votuar” në zgjedhjet e fundit. Mirëpo ky propozim nuk po gjen mbështetjen e opozitës, të cilët e kanë quajtur Haxhiun “figurë përçarëse”. /GazetaExpress/