“S’e dinim që kishte vrarë gruan”, flet ish-vjehrri i Dan Hutrës: Dyshonte për atësinë e djalit

Shqiperi

Gazeta Express

06/03/2023 12:46

Babai i Elena Hysës, ish-bashkëjetuesja e Dan Hutrës, autori i masakrave në Tiranë, tregoi detaje të rënda në lidhje me ngjarjen e rëndë.

Në një intervistë telefonike për News24 babai i 30-vjeçares, i cili humbi vajzën dhe të fejuarën e djalit dhe iu plagos vajza tjetër dhe gruaja, pohoi se Elena e kishte njohur me shkuesi Hutrën. Ai tha se Hutra dyshonte te atësia e fëmijës që kishte me Elenën.

INTERVISTA

Gazetarja: Si është gjendja e nuses dhe e gocës?
Ish-vjehrri i Dan Hutrës: Mirë, mirë…
Gazetarja: Ku keni qenë ditën e ngjarjes, ku jeni ndodhur?
Ish-vjehrri i Dan Hutrës: Unë kam qenë te vëllai.
Gazetarja: Po çfarë ka ndodhur më përpara midis Elenës edhe autorit të ngjarjes që Elena është kthyer në shtëpi dhe jetonte me ju në banesë?
Ish-vjehrri i Dan Hutrës: Ka ndodhur që e ka lënë ky, kjo u martua dhe e la ky!
Gazetarja: Po si u njoh Elena me Danin?
Ish-vjehrri i Dan Hutrës: Po janë njohur nëpërmjet një shkesi.
Gazetarja: Sa kohë kishin që jetonin bashkë në një shtëpi?
Ish-vjehrri i Dan Hutrës: 3-4 muaj…
Gazetarja: Po për shtatzëninë e Elenës?
Ish-vjehrri i Dan Hutrës: Po na tha, kishin debate kështu.
Gazetarja: Cilat ishin akuzat që iku Elena nga shtëpia e Danit? Iku vet Helena nga shtëpia apo janë divorcuar me mirëkuptim?

Ish-vjehrri i Dan Hutrës: Jo, jo pa mirëkuptim janë ndarë…
Gazetarja: Ka ikur natën nga shtëpia?
Ish vjehrri i Dan Hutrës: Jo natën por ditën edhe ai ka ardhur e ka lënë, se patën vendosur unazat a kupton?
Gazetarja: Po ai a erdhi në shtëpi dhe foli, bisedoi pasi iku Elena? Cili ishte konflikti me ju, çfarë kërkonte nga ju ai pasi Elena iku nga shtëpia?
Ish-vjehrri i Dan Hutrës: Ai kërkonte që nuk e ke djalin me mu
Gazetarja: Po pse i kishte këto dyshime?

Ish-vjehrri i Dan Hutrës: Pse ka ikur vajza, pa i fol atij
Gazetarja: Po vajza kur iku nga shtëpia e Danit, iku pa i treguar?
Ish-vjehrri i Dan Hutrës: Po!
Gazetarja: Po pse ishte dhunuar, ishte kërcënuar, çfarē kishte ndodhur?
Ish-vjehrri i Dan Hutrës: Po ku di unë, jo smundem , jo punë grash
Gazetarja: Po me kë ka jetuar Helena atje, me vjehrrën e saj me Mislimen?
Ish-vjehrri i Dan Hutrës: Po!
Gazetarja: Po sjellja e Mislimes si ka qenë ndaj Helenës?
Ish-vjehrri i Dan Hutrës: Nuk e di nuk merem me ate punë
Gazetarja: Po Dani e kishte dhunuar ndonjëherë Helenën, e kishit parë me shenja në trup?
Ish-vjehrri i Dan Hutrës: Jo, jo…
Gazetarja: Po Helena ju kishte pohuar ndonjëherë se ishte dhunuar nga Dani?
Ish-vjehrri i Dan Hutrës: Jo
Gazetarja: Kur lidhët martesën me Danin e dinit që ai kishte vrarë bashkëshorten e parë?
Ish-vjehrri i Dan Hutrës: Asnjëherë se dinim
Gazetarja: Po që kishte dalë nga burgu?

Ish-vjehrri i Dan Hutrës: Jo
Gazetarja: Nuk u interesuat, nuk e pyetët shkesin se kush ishte ky njeri?
Ish-vjehrri i Dan Hutrës: Shkesi tha se është burrë i mirë
Gazetarja: Po shkesin e njihnit ju?
Ish-vjehrri i Dan Hutrës: Si nuk e njohim e njohim, është nga Kuksi

Gazetarja: Ku jetonte Dani me Helenën?
Ish-vjehrri i Dan Hutrës: Jetonte këtu te bregu i lumit, ka qenë me qera se nuk ka pasur as shtëpi asgjë
Gazetarja: Edhe Mislimja ju akuzonte juve që iku nusja?
Ish-vjehrri i Dan Hutrës: Jo, jo me atë nuk jam takuar asnjëherë
Gazetarja: Po ceremoninë e fejesës e bëtë të madhe, festuat?
Ish-vjehrri i Dan Hutrës: Jo, jo…
Gazetarja: Po çfarë lekësh ju kërkonte Dani juve?
Ish-vjehrri i Dan Hutrës: Kërkonte lekë për vete të vete
Gazetarja: Po ai pretendonte se i kishte shpenzuar për fejesën? Sa lekë i dhatë ju?

Ish-vjehrri i Dan Hutrës: 3300 euro
Gazetarja: Ja dhatë këto?
Ish-vjehrri i Dan Hutrës: Po, para 6 muajve…
Gazetarja: Çfarë pretendimesh kishte të tjera kundrejt jush ai?
Ish-vjehrri i Dan Hutrës: Asnjë pretendim
Gazetarja: Sa kohë kishit që e kishit takuar?
Ish-vjehrri i Dan Hutrës: Jo se kam takuar
Gazetarja: Pse e kishte bërë kallëzimin Elena që e kishte dhunuar Dani, se ju thoni se nuk e ka rrahur?
Ish-vjehrri i Dan Hutrës: Se ka rrahur jo, e ka dhunuar këtu te shtëpia atje jo
Gazetarja: Çfarë ndodhi kur ai erdhi te shtëpia dhe tha që nuk e ka fëmijën me mua?
Ish-vjehrri i Dan Hutrës: Ndodhi që u ndanë
Gazetarja: E kishte rrahur?

Ish-vjehrri i Dan Hutrës: Jo
Gazetarja: Po pse denoncoi Elena që më ka rrahur?
Ish-vjehrri i Dan Hutrës: Unë nuk e di se ça bëjnë ato
Gazetarja: Pse e tërhoqi denoncimin?
Ish-vjehrri i Dan Hutrës: Ja për këtë punë se po na vret
Gazetarja: Ju kishte kërcënuar?
Ish-vjehrri i Dan Hutrës: Këtu te shtëpia po
Gazetarja: Çfarë ju kishte thënë?
Ish-vjehrri i Dan Hutrës: Do ta marrin vesh mediat botërore
Gazetarja: E kishe dëgjuar edhe ti këtë
Ish-vjehrri i Dan Hutrës: Po si nuk e kam dëgjuar, po…
Gazetarja: Si është bashkëshortja, keni folur me të, çfarë ju ka thënë
Ish-vjehrri i Dan Hutrës: Po kemi fol, më mirë, nuk i kemi treguar bashkëshortes se ka vdek vajza
Gazetarja: Nuk e dinë që ka ndërruar jetë edhe nusja edhe vajza?
Ish vjehrri i Dan Hutrës: Jo nuk e dinë

Gazetarja: Me çfarë është plagosur Helena?
Ish-vjehrri i Dan Hutrës: Me thikë, edhe Kujtimja në brinjë
Gazetarja: Po fëmija i Mevlutes dhe i Helenës ku ndodhej?
Ish-vjehrri i Dan Hutrës: Aty kanë qenë, i kishin marrë komshinjtë
Gazetarja: Kishit vendosur të bënit analizën e ADN për atë pretendim që kishte Dani?
Ish-vjehrri i Dan Hutrës: Jo, jo…

Babai i 30-vjeçares tha se Elena jetonte me Dan Hutrën në një banesë me qira, ndërsa tregoi se i kanë dhënë edhe paratë që ai i kërkonte.

Ndër të tjera ai ka thënë për News24 se dy fëmijët e mitur i merr shteti, për shkak të pamundësisë për t’u kujdesur për ta dhe për t’i ushqyer.

“Kishin 3-4 muaj që jetonin në një shtëpi bashkë. Elena nga shtëpia ka ikur pasi janë ndarë pa mirëkuptim. Pasi iku erdhi, dhe bisedoi me ne,. Ai thonte se djali nuk ishte i tij. Përse ka ikur vajza pa i thënë atij. Pasi vajza iku nga shtëpia e Danit pasi e kishte kërcënuar. Ajo ka jetuar me vjehrrin e saj me Mislimin, nuk e di si ka qenë sjellja e tyre. Në trup Elenës nuk i kam parë shenja dhune. Nuk e dija që kishte vrarë bashkëshorten e parë apo që kishte dalë nga burgu. Shkesi më tha se është burri i mirë. Dani jetonte me Elenën tek bregu i lumit, ka qenë me qira. Dan Hutra kërkonte lekë, i dhamë 3300 euro, para 6 muajsh. Nuk e kisha takuar më. Unë nuk di ta ketë rrahur. Nuk e di përse e ka denoncuar se ka rrahur, por denoncimin e ka tërhequr sepse kishte frikë mos na vriste. Na kishte kërcënuar duke na thënë: Do ta marrin vesh mediat botërore. Bashkëshortja ime është në spital, nuk i kemi treguar që ka vdekur vajza. Fëmijën e Mevlutes dhe Elenës e kishin marrë komshinjtë”, tha ndër të tjera babai i 30-vjeçares.

Hutra kreu masakër në banesën e ish-partneres së tij, Elena Hysa, duke i vrarë motrën dhe kunatën dhe e plagosi atë bashkë me nënën e saj. Ai vrau me armë zjarri edhe Etleva Kurtin, motrën e Vladimir Kurtit, me të cilin kishte pasur konflikte në burg.

Para këtyre, Hutra plagosur të dashurën e tij në Astir, në tentativë për ta vjedhur. Ai ishte dënuar më parë pasi kishte vrarë partneren e tij, krim për të cilin kreu 16 vjet burg.

Ndërkohë, dy javë para vrasjeve makabre, ai ishte liruar nga burgu, ku për 8 muaj vuajti dënimin për dhunë në familje. 

Vetë Dan Hutra, rrëfeu të gjithë kronologjinë e masakrës duke shtuar se po atë ditë kishte planifikuar një vrasje tjetër në zonën e Sharrës, por që nuk e realizoi dot pasi u prangos nga policia.

/Gazeta Express