Samsungu do ta ndërtojë fabrikë çipash prej 17 miliardë dollarësh në Teksas - Gazeta Express

Samsungu do ta ndërtojë fabrikë çipash prej 17 miliardë dollarësh në Teksas

AutoTech

Gazeta Express

25/11/2021 10:19

Konglomerati i Koresë së Jugut “Samsung” ka bërë të ditur se planifikon ta ndërtojë një fabrikë të re çipash në shtetin amerikan të Teksasit për rreth 17 miliardë dollarë, transmeton Anadolu Agency (AA).

Kompania tha se fabrika e re e prodhimit të gjysmëpërçuesve në qytetin Taylor “do të ndihmojë në rritjen e prodhimit të zgjidhjeve të avancuara të gjysmëpërçuesve që fuqizojnë inovacionet dhe teknologjitë e gjeneratës së ardhshme”.

Lexo Edhe:

Më tej, thuhet se disa nga këto teknologji do të përfshijnë celularë, 5G, informatikë me performancë të lartë dhe inteligjencë artificiale.

Nënkryetari dhe drejtuesi ekzekutiv i Samsung Electronics, Kinam Kim, tha se objekti i ri do të “kontribuojë gjithashtu në stabilitetin e zinxhirit global të furnizimit të gjysmëpërçuesve”.

Ky hap erdhi në një kohë kur ekonomia globale përballet me një krizë çipash në periudhën pas pandemisë COVID-19./AA