Sami Lushtaku takon edukatorë e disa doktorë në pension, viziton edhe Hendikos’in

Lajme

Gazeta Express

25/09/2025 16:28

Kandidati i Partisë Demokratike të Kosovës, për kryetar të Skenderajt, Sami Lushtaku, ka njoftuar për disa takime që ai ka zhvilluar në këtë qytet, si vizita që i kanë bërë Hendikos’it.

Ai ka njoftuar edhe për takime me edukatorë të çerdheve publike, dhe, me doktorë në pension të cilët edhe i ka falënderuar për kontributin e tyre.

Postimi:

Sot pata kënaqësinë të zhvilloj disa takime e vizita të rëndësishme në qytetin tonë. Vizituam objektin e Hendikos-it, i cili është ndërtuar në këtë mandat dhe tashmë ofron kushte shumë më të mira për punë e aktivitete, në shërbim të personave me aftësi të kufizuara.

Më pas u takuam me edukatorët e çerdheve publike, të cilët me dashuri e përkushtim kujdesen çdo ditë për gjeneratat më të reja dhe edukimin e fëmijëve.

Zhvilluam gjithashtu një takim të ngrohtë me disa nga doktorët në pension, duke i falënderuar për kontributin e madh dhe të pashlyeshëm që kanë dhënë për qytetarët tanë ndër dekada.

U argëtuam edhe me sport në Klubin e Pingpongut “Skenderaj”, ku energjia dhe entuziazmi i anëtarëve të klubit na dha motivim e pozitivitet për të vazhduar përpara.

#VazhdojmëpërSkenderajn

#PDK191

SL