Safet Bajri dhe Behar Bajri mbeten në burg, mohojnë përfshirjen në vrasjen e Fatbardh Licit

Shqiperi

Gazeta Express

20/03/2025 15:21

Apeli i Posaçëm ka konfirmuar masën e “arrestit në burg” për Safet Bajrin dhe Behar Bajrin, të dyshuar për lidhje me vrasjen e Fatbardh Licit. Gjatë seancës, Safet Bajri ka mohuar akuzat dhe ka kërkuar lirimin, duke theksuar se nuk ka lidhje me ngjarjen.

Ai ka deklaruar se në kohën kur dyshohet të ketë ndodhur krimi, ai ka qenë në një diskotekë në Tiranë me të dashurën e tij. Sipas Bajrit, ai nuk ka asnjohje dhe as motiv për vrasjen, dhe ka shtuar se ishte hetuar më parë për të njëjtën çështje në vitin 2018.

Në të njëjtën seancë, Apeli vendosi të mbajë në burg edhe dy të tjerë të dyshuar për vrasjen e Licit, Astmer Bilalin dhe Behar Bajrin, të cilët po akuzohen për organizimin dhe ekzekutimin e krimit, si pjesë e një grupi të strukturuar kriminal.