Rutte thotë se është ‘thelbësore’ të ulen tensionet pas sulmit të Izraelit ndaj Iranit

Lajme

Gazeta Express

13/06/2025 10:36

Sekretari i përgjithshëm i NATO-s, Mark Rutte, tha të premten se është “thelbësore” që aleatët e Izraelit të punonin për të ulur tensionet, pasi Izraeli goditi 100 objektiva në Iran, duke përfshirë edhe lokacionet bërthamore dhe ushtarake të Teheranit.

“Mendoj se tani është thelbësore që shumë aleatë, përfshirë Shtetet e Bashkuara, të punojnë, ndërsa flasim, për të ulur tensionet. E di që ata po e bëjnë këtë dhe mendoj se kjo është tani rendi i parë i ditës”, u tha Rutte gazetarëve në një konferencë për shtyp në Stokholm, duke vënë në dukje se sulmi ishte një veprim “i njëanshëm” nga Izraeli, raporton Agence France-Presse (AFP).