Rusia kryen stërvitje me raketa bërthamore në Siberi

Lajme

Gazeta Express

02/04/2026 14:47

Forcat strategjike raketore të Rusisë kanë zhvilluar stërvitje në Siberi që përfshinin lëvizje të kamufluara të raketave ndërkontinentale balistike Yars, të cilat janë në gjendje të mbajnë koka bërthamore, njoftoi Ministria e Mbrojtjes të enjten.

Ekipet ushtruan një sërë aktivitetesh, përfshirë përdorimin e kamuflazhit dhe fshehjes për të maskuar lëvizjet e raketave tokësore në terren, sipas ministrisë, shkruan Reuters, transmeton Gazeta Express.

Ata gjithashtu simulonin reagimin ndaj sulmeve të armikut dhe kundërveprimin ndaj armëve të sulmeve ajrore. Ministria nuk raportoi për ndonjë lëshim rakete gjatë këtyre stërvitjeve.

Rusia zhvillon rregullisht ushtrime të forcave të saj bërthamore strategjike për të testuar gatishmërinë luftarake dhe për të dërguar sinjale paralajmëruese ndaj Perëndimit, në një kohë tensionesh të larta me kundërshtarët e saj në NATO për shkak të luftës në Ukraine.