Rrugicat historike dhe deti Jon, pamjet mahnitëse nga fshati Qeparo

Shqiperi

Gazeta Express

16/08/2025 11:00

Kryeministri Edi Rama ka ndarë me ndjekësit një video nga fshati Qeparo në Vlorë, ku gërshetohet gjelbërimi i natyrës me blunë e detit Jon.

Pamjet e postuara ftojnë për një ecje nëpër rrugicat me kalldrëm të fshatit të vjetër. Qeparo është një fshat historik bregdetar në Rivierën e Jugut të Shqipërisë, i njohur për rrugicat e kalldrëmit, arkitekturën tradicionale, dhe pamjet magjepsëse mbi detin Jon. Zona është e pasur me natyrë të gjelbër, agrumet dhe plazhet e qeta, duke e bërë një destinacion të preferuar për turistët dhe admiruesit e historisë dhe natyrës.