Rritet numri i të infektuarve me Covid-19 në Mal të Zi, paralajmërohet ashpërsim i masave

Gazeta Express

28/09/2020 17:48

5 persona kanë vdekur dhe 128 të tjerë janë infektuar me Covid-19 gjatë 24 orëve të fundit në Mal të Zi, ka bërë të ditur Instituti për Shëndetësi Publike i këtij vendi.

Numri i të vdekurve është rritur në 163, kurse i të infektuarve në 10 mijë e 441.

Në 24 orët e fundit janë shëruar 264 pacientë, kurse numri i rasteve aktive është 3 mijë e 558.

Autoritetet në Mal të Zi kanë paralajmëruar ashpërsimin e masave mbrojtëse ndaj koronavirusit për shkak të rritjes së shkallës së infektimit.