Rriten temperaturat, sot më ngrohtë

Lajme

Gazeta Express

07/08/2025 7:12

Mot shumë i ngrohtë, kryesisht me diell paraqitet në vend ditën e enjtë. Kalojnë vransira kohëpaskohe, por se nuk paraqiten kushte për të reshura. Frynë erë verilindore e lehtë dhe mesatare 4-9m/s. Temperaturat minimale zbresin në 13C e 17C, derisa maksimalet shkojnë deri në 29C e 32C.

Mot më i nxehtë po parashihet ditëve në vijim duke shkuar nga fundjava, që po pritet të jetë edhe fillimi i një vale të re nxehtësie, që ka gjasa të na shoqërojë javën e dytë të gushtit. Do të mbretërojë mot kryesisht me kthjellime e diell. Temperaturat gradualisht në rritje, me maksimale deri në 34C e 35C, në Prishtinë, derisa në pjesë tjera mund të arrijnë vlera deri në 37C e 39C.

Minimalet luhaten ndërmjet 14C e 17C. Frynë erë kryesisht nga verilindja e lehtë dhe mesatare 3-9m/s, njofton Mendimi për Motin.