Rrezarta Krasniqi në Washington për inaugurimin e Trumpit: Vlerësim për angazhimin e LDK-së për thellim të marrëdhënieve me SHBA-në

Lajme

Gazeta Express

18/01/2025 9:34

Deputetja e LDK-së, Rrezarta Krasniqi, ka udhëtuar për Washington DC për të marrë pjesë në inaugurimin e presidentit Donald Trump.

Ajo tha se ftesa për këtë ceremoni është vlerësim për angazhimin e LDK-së në thellim të marrëdhënieve me SHBA-në.

“Është një nder i jashtëzakonshëm dhe privilegj i madh për mua të jem e ftuar në ceremoninë e inaugurimit të presidentit të 45-të të Shteteve të Bashkuara të Amerikës, Donald Trump. Ky moment përfaqëson jo vetëm një arritje personale, por mbi të gjitha, një vlerësim të lartë për angazhimin e përhershëm dhe vizionin e Lidhjes Demokratike të Kosovës në forcimin dhe thellimin e marrëdhënieve strategjike me Shtetet e Bashkuara të Amerikës, mikun tonë të përhershëm dhe partnerin më të rëndësishëm në skenën ndërkombëtare. SHBA-ja ka qenë dhe mbetet aleati ynë më i madh, një partner i pazëvendësueshëm që ka qëndruar krah nesh në rrugëtimin drejt lirisë, pavarësisë dhe konsolidimit të shtetit tonë. Zoti e bekoftë popullin amerikan!”, ka shkruar ajo.

Ceremonia e inaugurimit të Trump do të mbahet më 20 janar.