Rrahje mes disa personave në Prishtinë, njëri lëndohet nga mjeti i mprehtë, Policia e Prokuroria nisin hetime

Lajme

Gazeta Express

14/03/2026 22:09

Një përleshje mes disa personave ka ndodhur sonte në kryeqytet.

Kështu ka bërë të ditur për Gazetën Express, zëdhënësi i Policisë për rajonin e Prishtinës, Enis Pllana.

Nga policia është njoftuar edhe se një nga personat është lënduar nga një mjet i mprehtë.

‘’Sot rreth orës 19:30, në rrugën “Anton Çeta” në Prishtinë, disa persona janë përfshirë në një përleshje fizike. Sipas informatave fillestare, një person dyshohet se është lënduar nga një mjet i mprehtë dhe i njëjti ka pranuar tretman mjekësor.

Lidhur me rastin, njësitet policore kanë ndërmarrë veprimet e nevojshme, ndërsa në koordinim me Prokurorin e Shtetit po zhvillohen procedurat e mëtejme hetimore’’, thuhet në përgjigjen e Policisë.