Rrahje masive në Viti, arrestohen pesë persona - Gazeta Express

Gazeta Express

23/10/2020 10:12

Rrahje masive në Viti, arrestohen pesë persona

Gazeta Express

23/10/2020 10:12

Një rrahje masive ka ndodhur dje në fshatin Sllatinë e Epërme të Vitisë. Nga ky rast, kanë mbetur të lënduar shtatë persona, dy prej të cilëve kanë lëndime më serioze dhe dyshohet se kanë plagë nga thika, raporton Express.

Detaje rreth këtij rasti ka dhënë Policia e Kosovës, përmes raportit 24 orësh. Sipas Policisë, për këtë rast janë arrestuar pesë të dyshuar.

“Fshati Sllatinë e Epërme, Viti 22.10.2020 – 12:50. Raportohet se janë arrestuar pesë të dyshuar  m/k pasi që pas një mosmarrëveshje kishte ardhur deri te një rrahje masive mes disa personave me ç’rast 7 prej tyre kanë pësuar lëndime trupore dhe se njëri prej tyre ka lëndime më serioze dyshohet të ketë plagë nga thika i cili është duke u trajtuar në QKUK, Prishtinë, të tjerët janë duke u trajtuar në emergjencën e Gjilanit.

Në lidhje me rastin është konsultuar prokurori i shtetit, me urdhër të të cilit 4 prej të dyshuarve dërgohen në mbajtje për 48 orë ndërsa i dyshuari i 5-të është në tretman mjekësor në QKUK, Prishtinë”, thuhet në raport. /Gazeta Express