Rozana Radi flet për raportin me Gjestin pas përfundimit të spektaklit

Rozë

Gazeta Express

08/08/2025 7:51

Këngëtarja e njohur Rozana Radi ka folur për herë të parë në lidhje me marrëdhënien e saj me Gjestin, pas përfundimit të spektaklit në të cilin të dy ishin pjesëmarrës.

Përmes një rubrike pyetje-përgjigje në Instagram, Radi është përgjigjur hapur për raportin e tyre aktual, duke bërë të qartë se nuk kanë më kontakt.

“Jo, nuk kam folur me Gjestin. Nuk e kam në Instagram, as ai nuk më ka mua. Nuk kemi asnjë lloj kontakti”, u shpreh ajo.

Megjithatë, artistja e njohur ka zgjedhur të ruajë një ton pozitiv ndaj ish-banorit, duke i uruar të mirat në rrugëtimin e tij.

“E uroj të jetë mirë dhe të ketë sukses në gjithçka që bën”, shtoi Rozana.