Roma interesohet për shërbimet e Chiesas

Sport

Gazeta Express

27/08/2025 22:12

Me vështirësi për të marrë Jadon Sancho dhe Tyrique George, Roma raportohet se ka kërkuar nga Liverpooli informacion mbi disponueshmërinë e reprezentuesit të Italisë, Federico Chiesa.

Trajneri i ri Gian Piero Gasperini po kërkon një lojtar sulmues anësor për të forcuar formacionin e tij 3-4-3, por përpjekjet e tyre për të siguruar lojtarë për këtë rol kanë hasur probleme.

Manchester United kishte arritur marrëveshje, por Sancho e refuzoi, ndërsa Chelsea kërkoi 30 milionë euro plus bonuse dhe një klauzolë të lartë për përqindje nga shitja e ardhshme për 19-vjeçarin George.
Kjo po e shtyn Romën drejt objektivave të tjerë, pasi Retesport pretendon se ata i kanë kërkuar Liverpoolit për disponueshmërinë e Chiesas.

Ky diskutim thuhet se është bërë gjatë negociatave mes dy klubeve për mbrojtësin e Liverpoolit, Kostas Tsimikas.

Pikëpyetjet mbi Chiesan nuk lidhen vetëm me pagën dhe tarifën e transferimit, por mbi të gjitha me gjendjen e tij fizike, pasi sezonin e kaluar ai pothuajse nuk u paraqit pas transferimit nga Juventusi.

Ai e nisi fuqishëm këtë sezon, duke shënuar në hapjen e Premier League, por koha e tij e lojës pritet sërish të jetë shumë e kufizuar në Anfield./GazetaExpress/