Roger Federer thotë se nuk e ka për ngut rikthimin në fushën e tenisit, por këmbëngul se po ndihet shumë mirë pas operacionit në gju.
Tenisti 40-vjeçar i kreu dy operacione në gju në vitin 2020 dhe pastaj një tjetër pas turneut të Wimbledonit këtë vit, raporton Gazeta Express.
Zvicerani, i cili është fitues i 20 titujve grand slam, foli për riaftësimin nga lëndimi i gjurit gjatë turneut Laver Cup në Boston në fundjavë, ku tifozët e pritën me duartrokitje të mëdha.
“Së pari duhet të ec siç duhet, të vrapoj siç duhet dhe pastaj të ushtroj”, tha Federer.
“Pastaj përfundimisht të rikthehem në fushën e tenisit. Por do të më duhen edhe disa muaj më shumë dhe mandej do të shohim sesi janë gjërat vitin e ardhshëm. Nuk dua të ngutem në këtë kohë”, shtoi ai. /Gazeta Express/
A welcome guest.#LaverCup | @rogerfederer pic.twitter.com/cUzgTSRzlZ
— Laver Cup (@LaverCup) September 24, 2021