Rita Ora njofton datën e publikimit të këngës së re me Yll Limanin

Muzike

Gazeta Express

04/11/2025 23:05

Këngëtarja shqiptare me famë botërore, Rita Ora, ka zbuluar se kënga e ripërpunuar “All Natural” në bashkëpunim me artistin kosovar Yll Limani do të publikohet këtë të premte.

Kjo këngë vjen si një version i ri pas publikimit të saj solo në shtator të këtij viti, duke sjellë një dimension të ri dhe energji të përbashkët mes dy artistëve.

Rita Ora ndau lajmin me ndjekësit e saj në rrjetin social Facebook, ku publikoi një fotografi që shfaqte postierin e përbashkët të këngës me Yll Limanin dhe shtoi:

“All Natural. Rita Ora. Yll Limani. Publikohet këtë të premte.”

Ky bashkëpunim pritet të tërheqë vëmendjen e fansave shqiptarë dhe ndërkombëtarë, duke kombinuar stilin unik të Ritës me vokalin e Yll Limanit.

View this post on Instagram

A post shared by RITA ORA (@ritaora)

Për momentin, detajet mbi videoklipin ose planet e promovimit të këngës nuk janë zbuluar, por fansat presin që kënga të shoqërohet edhe me materiale vizuale mbresëlënëse.

Bashkëpunimi mes Ritës dhe Yllit vjen pas suksesit të vazhdueshëm të artistëve në skenën muzikore, duke u bërë një nga lançimet më të pritura të muajit.