Rinumërohen afro 75% të kutive të Tiranës

Shqiperi

Gazeta Express

25/06/2025 21:14

Procesi i rinumërimit të votave në qarkun e Tiranës ka arritur në mbi 900 kuti, ose rreth 75% të totalit të kutive që pritet të hapen. Sipas të dhënave të Komisionit Qendror të Zgjedhjeve, deri tani janë regjistruar disa ndryshime të vogla në numrin e votave, me Partinë Demokratike që ka humbur rreth 470 vota, ndërsa Partia Socialiste ka humbur 340. Forcat e tjera kanë pësuar ndryshime të vogla në rezultat.

Megjithatë, nuk pritet që këto ndryshime të kenë ndikim në ndarjen e mandateve mes partive politike. Gara më e ngushtë është regjistruar në listën e hapur të Partisë Socialiste, ku diferenca mes Olta Xhaçkës dhe Blerina Gjylametit është ngushtuar në vetëm 80 vota.

Pavarësisht ndryshimeve të vogla, rezultati i përgjithshëm duket të jetë i qartë, me shumicën e mandateve të ndara siç ishte para rinumërimit.