Revizioni zbuloi kaos në llogaritë financiare të pesë partive kryesore në RMV

Maqedoni

Gazeta Express

24/02/2026 13:05

Raportet e fundit të Enti Shtetëror për Revizion mbi financimin e rregullt të partive politike nxjerrin në pah një sërë mangësish të përsëritura në menaxhimin financiar dhe respektimin e rregullativës ligjore. Në fokus janë evidentimi jo i rregullt i faturave dhe donacioneve, paqartësitë në arkëtimin dhe regjistrimin e anëtarësisë si burim financimi, si dhe nevoja për rishikim të dispozitave që lejojnë përdorimin e mjeteve nga llogaria e rregullt për fushata zgjedhore. Në disa raste janë konstatuar probleme me dokumentacionin mbështetës, amortizimin e mjeteve fikse dhe statusin pronësor të pasurisë. Revizorët theksojnë gjithashtu dobësi sistemore që kërkojnë ndryshime ligjore dhe plotësim të akteve nënligjore për organizatat jofitimprurëse. Numri i rekomandimeve të dhëna ndryshon nga një parti në tjetrën, varësisht nga gjetjet konkrete, transmeton Portalb.mk.

Bashkimi Demokratik për Integrim (BDI)

Sa i përket llogarisë për punë të rregullt, tek BDI janë konstatuar disa parregullsi konkrete. Faturat hyrëse nga furnitorët nuk janë arkivuar në momentin e pranimit, çka pamundëson konfirmimin e evidentimit të tyre kronologjik në librat afaristë. Gjithashtu, janë paguar shpenzime për kosto materiale pa dokumentacion të plotë mbështetës.

Revizioni ka evidentuar edhe pagesa të fondeve për anëtarësi mbi kufirin ligjor të lejuar, ndërsa qendra kërkimore dhe analitike e partisë nuk disponon staf të mjaftueshëm adekuat.

“Gjendjet kyçe të përcaktuara: faturat hyrëse nga furnitorët nuk arkivohen kur pranohen, për të konfirmuar që ato janë të evidentohen kronologjikisht në librat afariste; – janë paguar shpenzime për kostot materiale në bazë të faturave për të cilat nuk është siguruar dokumentacioni mbështetës; – janë paguar fonde për anëtarësi mbi kufirin ligjor të lejuar; – qendra kërkimore dhe analitike e partisë nuk ka ekip adekuate të mjaftueshëm”, thuhet në raport.

Në aspektin sistemor, rekomandohet rishikim i financimit të fushatave nga llogaria e rregullt (neni 88 i Kodit Zgjedhor), rregullim më i qartë i mënyrës së pagesës dhe evidentimit të anëtarësisë, përcaktim më i saktë i afateve për shpërndarjen e mjeteve nga financimi vjetor dhe ndryshime në aktet nënligjore për kontabilitetin e organizatave jofitimprurëse. Janë dhënë gjithsej 3 rekomandime.

“Dobësitë sistemore: rishikim në pjesën e financimit të fushatës zgjedhore me mjete nga llogaria e rregullt e partisë politike, lidhur me nenin 88 të Kodit Zgjedhor; – dhënia e udhëzimeve më të qarta për rregullimin e mënyrës së pagesës, depozitimit dhe evidentimit të anëtarësisë si burim i financimit të partive politike, me qëllim njëtrajtësinë në mënyrën e evidentimit kontabël dhe konfirmimin e kufirit ligjor të përcaktuar për secilin anëtar veç e veç; – rirregullimi i rregullativës ligjore në pjesën e përcaktimit të afateve për aktivitete të veçanta të lidhura me mënyrën e planifikimit, shpërndarjes dhe pagesës së mjeteve nga financimi vjetor i rregullt i partive politike; – ndërmarrjen e aktiviteteve për ndryshimin dhe plotësimin e akteve nënligjore që rregullojnë mënyrën e mbajtjes së evidencave kontabël të organizatave jofitimprurëse, të cilat do të sigurojnë respektim të vazhdueshëm të parimit kontabël të ,,ndodhjes së modifikuar të ndryshimeve të biznesit, gjegjësisht transaksioneve”, thuhet në raportin ESHR-së.

VMRO-DPMNE

Tek VMRO-DPMNE, gjendja kyçe e konstatuar lidhet me ndalimin për disponim të përkohshëm me një pjesë të pasurisë së partisë, përmes një procedure të iniciuar në vitin 2018. Kjo çështje ndikon drejtpërdrejt në vlerësimin e pasurisë së paluajtshme të paraqitur në Bilancin e gjendjes.

“Gjendjet kyçe të përcaktuara: Ndalim për disponim të përkohshëm me një pjesë të pasurisë së partisë politike përmes një procedure të iniciuar në vitin 2018, e cila ndikon në vlerën e vlerësuar të një pjese të pasurisë së paluajtshme të paraqitur në Bilancin e gjendjes”, thuhet në raport.

“Dobësitë sistemore: – të rishqyrtohet dispozita ligjore në pjesën e financimit të fushatës zgjedhore me mjete nga llogaria e rregullt; – të rregullohet mënyra e pagesës, arkëtimit dhe evidentimit të anëtarësisë si burim i financimit, – përcaktimi i afatit kohor në të cilin Ministria e Drejtësisë duhet të marrë vendim për dislokimin/pagesën e fondeve për PP, – ndryshimi dhe plotësimi i akteve nënligjore me të cilat rregullohet mënyra e udhëheqjes së kontabilitetit të organizatave jofitimprurëse”, thekson raporti i ESHR-së.

Lidhja Socialdemokrate e Maqedonisë (LSDM)

Tek LSDM është konstatuar se për një pjesë të objekteve ndërtimore të trashëguara nga subjekti juridik paraardhës nuk është zgjidhur statusi pronësor. Si pasojë, këto objekte nuk janë regjistruar në evidencën e agjencisë përkatëse dhe as në evidencën kontabël të partisë.

“Gjendjet kyçe të konstatuara: – për një pjesë të objekteve ndërtimore, të trashëguara nga subjekti juridik paraardhës i partisë, nuk është zgjidhur statusi pronësor, për shkak të së cilës ato nuk janë regjistruar në evidencën e agjencisë përkatëse dhe në evidencën kontabël të partisë”, thuhet në raport.

Edhe për këtë parti janë theksuar dobësi sistemore në financimin e fushatave nga llogaria e rregullt, në mënyrën e evidentimit të anëtarësisë dhe në nevojën për ndryshime të rregullativës ligjore dhe akteve nënligjore për organizatat jofitimprurëse. Është dhënë 1 rekomandim.

“Dobësitë sistemore: – rishqyrtim i pjesës së financimit të fushatës zgjedhore me mjete nga llogaria e rregullt e partisë politike, në lidhje me nenin 88 të Kodit Zgjedhor; – miratohen udhëzime më konkrete për rregullimin e mënyrës së pagesës, arkëtimit dhe evidentimit të anëtarësisë si burim financimi i partive politike, me qëllim përnjishmëni, në mënyrën e evidentimit kontabël të tyre dhe verifikimin e limitit të përcaktuar me ligj për secilin anëtar veçmas; – rirregullimi i rregullativës ligjore në pjesën e përcaktimit të afateve për aktivitete të veçanta lidhur me mënyrën e planifikimit, shpërndarjes dhe pagesës së mjeteve nga financimi i rregullt vjetor i partive politike; – të ndërmerren masa për ndryshimin dhe plotësimin e akteve nënligjore me të cilat rregullohet mënyra e mbajtjes së evidencës kontabël për organizatat jofitimprurëse, me të cilat sigurohet respektimi i konsekuent i parimit kontabël ,,realizimi i modifikuar i ndryshimeve afariste, përkatësisht e transaksioneve”, thuhet ndër të tjera në raport.

E Majta

Për partinë E Majta nuk janë evidentuar gjendje kyçe konkrete në raportin për llogarinë e punës së rregullt.

Megjithatë, raporti nënvizon dobësi sistemore të njëjta me partitë e tjera: rishikim të financimit të fushatave nga llogaria e rregullt, udhëzime më të qarta për evidentimin e anëtarësisë si burim financimi, përcaktim më të saktë të afateve për shpërndarjen e mjeteve dhe ndryshime në aktet nënligjore për mbajtjen e evidencave kontabël. Nuk janë dhënë rekomandime specifike.

“Dobësitë sistemore: – rishikim në pjesën e financimit të fushatës zgjedhore me mjete nga llogaria e rregullt e partisë politike, lidhur me nenin 88 të Kodit Zgjedhor; – dhënia e udhëzimeve më të qarta për rregullimin e mënyrës së pagesës, depozitimit dhe evidentimit të anëtarësisë si burim i financimit të partive politike, me qëllim njëtrajtësinë në mënyrën e evidentimit kontabël dhe konfirmimin e kufirit ligjor të përcaktuar për secilin anëtar veç e veç; – rirregullimi i rregullativës ligjore në pjesën e përcaktimit të afateve për aktivitete të veçanta të lidhura me mënyrën e planifikimit, shpërndarjes dhe pagesës së mjeteve nga financimi vjetor i rregullt i partive politike; – ndërmarrjen e aktiviteteve për ndryshimin dhe plotësimin e akteve nënligjore që rregullojnë mënyrën e mbajtjes së evidencave kontabël të organizatave jofitimprurëse, të cilat do të sigurojnë respektim të vazhdueshëm të parimit kontabël të ,,ndodhjes së modifikuar të ndryshimeve të biznesit, gjegjësisht transaksioneve”, thuhet në raportin e për këtë parti.

Alternativa

Tek Alternativa janë konstatuar disa parregullsi në mënyrën e udhëheqjes së kontabilitetit, e cila nuk është në përputhje me Ligjin për kontabilitet të organizatave jofitimprurëse. Donacionet nga persona juridikë, në emër të zbritjes për shërbime të përdorura, nuk janë evidentuar në mënyrë adekuate.

Gjithashtu, amortizimi i mjeteve fikse nuk është llogaritur sipas normave të përcaktuara dhe nuk është bërë rivlerësimi i tyre.

“Gjendjet kyçe të konstatuara: – mënyra e udhëheqjes së kontabilitetit, përkatësisht librave afaristë, nuk kryhet në përputhje me dispozitat e Ligjit për kontabilitet të organizatave jofitimprurëse; – donacionet nga person juridik, në emër të zbritjes për shërbimin e përdorur, nuk janë të evidentuara në mënyrë adekuate dhe – amortizimi i mjeteve fikse nuk llogaritet sipas normave të përcaktuara, si dhe nuk është llogaritur rivlerësimi”, thekson raporti.

Dobësitë sistemore përfshijnë çështjet e njëjta që prekin edhe partitë e tjera: financimin e fushatave nga llogaria e rregullt, evidentimin e anëtarësisë, afatet për shpërndarjen e fondeve dhe ndryshime në aktet nënligjore për kontabilitetin e organizatave jofitimprurëse. Për këtë parti janë dhënë 3 rekomandime.

“Dobësitë sistemore: – rishqyrtim në pjesën e financimit të fushatës zgjedhore me mjete nga llogaria e rregullt e partisë politike, në lidhje me nenin 88 të Kodit Zgjedhor; – miratohen udhëzime më konkrete për rregullimin e mënyrës së pagesës, arkëtimit dhe evidentimit të anëtarësisë si burim financimi i partive politike, me qëllim përnjishmëni, në mënyrën e evidentimit kontabël të tyre dhe verifikimin e limitit të përcaktuar me ligj për secilin anëtar veçmas; – rirregullimi i rregulloativës ligjore në pjesën e përcaktimit të afateve për aktivitete të veçanta lidhur me mënyrën e planifikimit, shpërndarjes dhe pagesës së mjeteve nga financimi i rregullt vjetor i partive politike; – të ndërmerren masa për ndryshimin dhe plotësimin e akteve nënligjore me të cilat rregullohet mënyra e mbajtjes së evidencës kontabël për organizatat jofitimprurëse, me të cilat sigurohet respektimi i konsekuent i parimit kontabël ,,realizimi i modifikuar i ndryshimeve afariste, përkatësisht e transaksioneve”, thuhet në raportin e ESHR-së.

Kujt0jmë se në raportin paraprak, Enti Shtetëror për Revizion konstatoi se në Inspektoratit Shtetëror Sanitar dhe Shëndetësor regjistrimi nuk është zbatuar plotësisht dhe llogaritje dhe pagesë e pasaktë e shtesës për punë me rrezik të lartë, duke shtuar se “lista e substancave të ndaluara në produktet kozmetike, e miratuar në vitin 2010, nuk është përditësuar asnjëherë, gjë që nuk ndjek praktikën e BE-së, ku kjo listë është përditësuar shumë herë në të njëjtën periudhë”.

Revizioni ka paralajmëruar rrezikun që në treg të jenë lëshuar produkte me substanca që tashmë janë ndaluar në BE, ndërsa në Maqedoninë e Veriut jo.