“Republika Srpska po shndërrohet në bastion të glorifikimit të kriminelëve të luftës”

Lajme

Gazeta Express

27/08/2025 10:24

Deputeti në Kuvendin Kombëtar të Republikës Srpska, Ramiz Salkic, ka reaguar ashpër ndaj njoftimeve se në disa qytete të këtij entiteti janë vizatuar murale me portretin e kriminelit të dënuar të luftës, Ratko Mladiq.

Ai ka deklaruar se Republika Srpska po shndërrohet në një bastion të manifestimeve publike të dashurisë ndaj kriminelëve të luftës dhe autorëve të gjenocidit.

“Ekzistenca e një ligji nuk ka kuptim pa zbatim dhe pa ndëshkimin e atyre që mohojnë gjenocidin dhe madhërojnë kriminelët e luftës”, tha Salkic për “Slobodna Bosna”.

Sipas tij, vetëm ndëshkimi i shpejtë dhe efikas i atyre që madhërojnë kriminelët e luftës dhe mohojnë gjenocidin mund të ndalë radikalizimin e mëtejshëm të shoqërisë në këtë entitet.

Ai paralajmëroi se, nëse mungon një reagim serioz nga autoritetet kompetente, shumë shpejt të gjithë qytetet e entitetit mund të mbulohen me imazhe të kriminelëve të dënuar të luftës.

“Përgjegjësia do të bjerë drejtpërdrejt mbi ata që nuk zbatojnë ligjin dhe nuk ndëshkojnë ata që e shkelin atë”