Rekord i ri në “Bernabeu”, karton i verdhë pas 40 sekondash lojë

Futboll

Gazeta Express

21/09/2023 9:11

Mbrëmë është regjistruar një rekord i ri në Ligën e Kampionëve.

Lucas Tousart, futbollist i Union Berlinit, ka hyrë në historinë e “Santiago Bernabeut”, një stadium që ka pritur shumë ndeshje legjendare të Champions League dhe që ka qenë dhe vazhdon të jetë shtëpia e kampionëve të mëdhenj.

Ish-mesfushori i Lyonit, tani pjesë Union Berlinit, mori një karton të verdhë pas vetëm 40 sekondash lojë për një faull ndaj Luka Modricit, duke thyer kështu rekordin e mëparshëm të Ramelow, i cili u ndëshkua pas pak më shumë se dy minutash në 1998, kur mbante veshur fanellën e Bayer Leverkusenit.