Reali vuan, por fiton dhe rrëmben kreun në La Liga

Gazeta Express

26/01/2020 22:54

Reali e ka mposhtur 1-0 Valladolidin për ta rrëmbyer kreun në La Liga, Los Blancos tani kanë 46 pikë, tri më shumë se Barcelona.

Real Madridi ka vuajtur shumë në “Jose Zorrilla”, por në fund e ka mposhtur 1-0 Real Valladolidin për t’i rrëmbyer pikët e plota në kuadër të xhiros së 21 në La Liga, raporton Gazeta Express.

Golin e vetëm dhe të tri pikëve e shënoi mbrojtësi, Nacho Fernandez, në minutën e 78’.

Los Blancos shfrytëzuan gabimin e Barcelonës dhe tani kanë shkuar të vetëm në krye të La Ligës me 46 pikë të grumbulluara, tri më shumë se rivali i përbetuar që të shtunën u mposhtë 2-0 nga Valencia. /Gazeta Express/