Manchester United ka shfaqur interesim për futbollistin francez, i cili mund të largohet nga Madridi gjatë verës që vjen
Raphael Varane mund të largohet nga Real Madridi gjatë verës që vjen.
Në fakt, “Los Blancos” po e konsiderojnë idenë e shitjes së qendërmbrojtësit francez.
Për këtë siguron mediumi britanik “The Mirror”.
Kampioni aktual spanjoll është duke pritur oferta për kampionin e botës me Francën.
Ai ka kontratë me klubin nga “Santiago Bernabeu” deri në vitin 2022 dhe palët nuk kanë biseduar për vazhdimin e saj.
Interesimin më të madh për 27 vjeçarin e ka shfaqur Manchester United.
Ish-futbollisti i Lensit është pjesë e Realit që nga viti 2011.
Krahas tij, nga Madridi mund të largohet gjatë verës edhe partneri i mbrojtjes, Sergio Ramos. /Gazeta Express/