Real Madridi i gatshëm ta shesë synimin e Manchester Unitedit, Varane

Futboll

Gazeta Express

09/06/2021 13:33

Real Madridi është i gatshëm ta shesë qendërmbrojtësin Raphael Varane, për vetëm 50 milionë euro, sipas Mundo Deportivos.

Real Madridi ka shprehur gatishmëri për ta shitur mbrojtësin e vet francez Varane, për të cilin interesim ka shprehur Manchester Unitedi, transmeton Gazeta Express.

Sipas gazetës spanjolle, klubi madrilen nuk kërkon më shumë se 50 milionë euro për shërbimet e 28-vjeçarit.

Madridi është i detyruar të fitojë para nga shitjet e futbollistëve dhe duke e parë që Varanit do t’i mbarojë marrëveshja në vitin 2022, drejtuesit kanë shprehur gatishmëri ta lëshojnë për 50 milionë euro.

Raportohet se Manchester Unitedi do t’i ofrojë atij pagë të majme vjetore, prej 12 milionë eurove. /Gazeta Express/