Real Madrid nuk ndalet, arrin fitoren e pestë me radhë në La Liga - Gazeta Express
string(64) "real-madrid-nuk-ndalet-arrin-fitoren-e-peste-me-radhe-ne-la-liga"

Futboll

Gazeta Express

17/09/2023 23:11

Real Madrid nuk ndalet, arrin fitoren e pestë me radhë në La Liga

Futboll

Gazeta Express

17/09/2023 23:11

Real Madridi e ka fituar ndeshjen e pestë në La Liga në pesë xhiro duke bërë një start perfekt këtë fillim sezon. Kjo fitore i ngrit atë në vendin e parë derisa sonte ata mposhtën në Santiago Bernabeu skuadrën e Real Sociedad. Valverde (46’) dhe Joselu (60’) shënuan për Los Blancos kurse për mysafirët shënoi Ander Barrenetxea (5’)

Real Madridi ka vazhduar me fitore në La Liga.

Lexo Edhe:

Nga pesë xhiro skuadra e Carlo Ancelottit ka rekord 100 për qind, duke i arritur të gjitha fitore. Sonte në Madrid ata kanë mposhtur skuadrën e papërshtatshme Real Sociedad.

Mysafirët e nisën shumë mirë këtë ndeshje ku arritën që të shënojnë që në minutën e pestë të ndeshjes. Ander Berrenetxea përfitoi nga kthimi i një topi nga Kepa e ku madrilenët ishin në disavantazh.

Se Real Sociedad ishte më i mirë në pjesën e parë e tregoi edhe një gol që u shënua nga Kubo për që u anulua pasi që ai ishte në pozitë jashtëloje.

Real Madridi reagoi tek në minutën e 16-të te ndeshjes kur Joselu goditi shtyllën e portës mysafire. Rodrygo kishte rastin tjetër për Realin në minutën e 29 por Remiro, portieri i Sociedad reagoi mirë dhe priti goditjen e tij.

Kepa bëri njërën prej pritjeve më të mira këtë ndeshje dhe ishte meritori që Reali nuk e pësoi golin e dytë kur Kuba bëri një goditje të mirë por që ai reagoi dhe ia mohoi golin atij.

Rasti i fundit në pjesën e parë ishte ai i Real Madridit me Rodrygo u rrëzua në zonë por që gjyqtari nuk akordoi penallti në minutën e 37-të.

Në pjesën e dytë, Los Blancos ishin skuadër që folën në fushë dhe ata arritën që brenda 20 minutave të parë ta përmbysin rezultatin.

Federico Valverde mori një pasim të mirë nga Garcia e ku ai bëri një goditje të mirë për të shënuar gol që në minutën e parë të pjesës së dytë.

Garcia ishte më meritori edhe për golin e dytë.

Ai bëri një krosim fenomenal për Joselu i cili e goditi bukur me kokë për të shënuar për rezultat 2-1 në minutën e 60-të.

Krejt në fund Jude Bellingham pati një mundësi të artë për ta shënuar golin e tretë por që Remiro që priti goditjen e tij me kokë.

Me këtë fitore Real Madrid ngjitet në pozitën e parë me 15 pikë, dy më shumë së Barcelona në vendin e dytë.

Ndeshja e radhës për Los Blancos është ajo në Ligën e Kampionëve kundër Union Berlinit, ndeshje që do ta zhvillojë si vendas kurse pas një jave ata do të luajnë në derbin e Madridit kundër Atleticos.

Edhe Real Sociedad në mesjavë do të këtë ndeshje në Ligën e Kampionëve ku e pret Interin në shtëpi, derisa në La Liga do të këtë punë po ashtu në shtëpi me Getafen. /GazetaExpress/