Rasti “Banjska”, të dyshuarit dalin para Gjykatës

Lajme

Gazeta Express

15/04/2026 7:06

Në Gjykatën Themelore të Prishtinës sot do të mbahet seanca gjyqësore lidhur me sulmin e armatosur në Banjskë të Zveçanit.

Seanca do të fillojë në ora 9:30.

Para trupit gjykues do të paraqiten Blagoje Spasojeviq, Vladimir Toliq dhe Dushan Maksimoviq, të cilët përballen me akuza të rënda për përfshirje në ngjarjet e 24 shtatorit 2023, në fshatin Banjskë të Komunës së Zveçanit.

Gjatë këtij sulmi, mbeti i vrarë rreshteri hero Afrim Bunjaku, ndërsa disa zyrtarë të tjerë policorë u plagosën.