Rashiq ishte optimist se do t’i merrte votat sot: Nëse dhezë, dhezë – nëse jo, vazhdojmë

Lajme

Gazeta Express

28/08/2025 13:11

Nenad Rashiq ka thënë se ka biseduar me kolegë deputetë e që siç tha ai i kanë deklaruar atij se forma e votimit është kundër Kushtetutës.

“Kam biseduar me shumë kolegë të mi, dhe nga të gjithë kam dëgjuar që e kanë një breng, që të mos jetë ai votimi për mua në formën kundër Kushtetutës. Kam biseduar me njerëz më kompetentë se unë në aspektin ligjor dhe ma kanë sqaruar se kjo nuk është shkelje kushtetuese”, tha ai.

Ai pranoi se kishte pritur të merrte votat e nevojshme.

“Prita edhe unë që do t’i kem votat këtë herë. Isha optimist, por nuk patëm sukses. Do të vazhdojmë sikur dje, sot e nesër. Unë do të vazhdoj bisedimet pastaj, që thoni ju ‘nëse dhez, dhez’,” u shpreh ai.