Rashica starton në ndeshjen që Beshiktash luan në Ligën e Konferencës kundër Club Brugge

Futboll

Gazeta Express

21/09/2023 20:22

Janë publikuar formacionet zyrtare të ndeshjes në mes të Club Brugge dhe Beshiktash

Skuadra e Milot Rashicës e nis aventurën në Ligën e Konferencës me një ndeshje kundër Club Brugge në Belgjikë

Pas pesë sezoneve radhazi pjesëmarrje në Ligën e Kampionëve, klubi belg, Club Brugge e ka gjetur vetën duke luajtur në Ligën e Konferencave për herë të parë në histori të tyre.

Atyre ju është dashur që të kalojnë tre rrethe kualifikuese që të sigurojnë një vend në Grupin D, derisa kanë fituar katër, kanë barazuar një dhe kanë humbur një gjatë kësaj ecurie në garën më të re europiane.

Kaltërzinjë do të shikojnë që të vazhdojnë këtë rekord për të pasur një sezon edhe më të mirë në këtë Ligë derisa në ndeshjen e parë ata do të luajnë kundër klubit të madh turk, Beshiktash.

Historia e klubit turk me skuadrat e belge nuk është edhe aq e mirë, pasi që ata kanë fituar vetëm dy herë në tetë ndeshje që kanë pasur me skuadra nga Belgjike, derisa kanë barazuar në tri të tjera dhe kanë humbur po ashtu në tri të tjera.

Shqiponjat e Zeza kanë qenë në formë të mirë kohëve të fundit, pavarësisht se ata humbën nga Trabzonspor javën e fundit e ku i dhanë fund ecurisë së tyre prej 24 ndeshjesh pa humbje.

Milot Rashica ka startuar nga fillimi për Beshiktashin e ku në sulm do ta asistojë Aboubakarin. /GazetaExpress/

Formacionet zyrtare:

Club Brugge – Beshiktash

Ndeshja fillon në ora 21:00 në stadiumin Jan Breydel në qytetin Brugge të Belgjikës