Rama u lë porositë drejtuesve të qarqeve dhe krerëve të bashkive

Shqiperi

Gazeta Express

17/09/2024 18:54

Kryeministri Edi Rama mblodhi sot 15 drejtuesit politikë të qarqeve dhe krerët e bashkive të drejtuar nga socialistët.

Mësohet se në fokus të diskutimit mes socialistëve kanë qenë emigrantët. Rama ka kërkuar nga drejtuesit e qarqeve dhe krerët e bashkive që në çdo bashki të vendoset një koordinator pune për të evidentuar të gjithë shqiptarët që jetojnë jashtë vendit për secilën njësi administrative.

Gjithashtu ka kërkuar krijimin e një database të saktë për emigrantët, si dhe të nxiten që të marrin pjesë në zgjedhjet e vitit të ardhshëm.