Rama thotë se Shqipëria do ta mbajë të hapur kufirin me Kosovën gjatë verës - Gazeta Express

Lajme

Gazeta Express

26/03/2021 19:18

Rama thotë se Shqipëria do ta mbajë të hapur kufirin me Kosovën gjatë verës

Lajme

Gazeta Express

26/03/2021 19:18

Nga takimi me operatorët turistik në Durrës, kryeministri i Shqipërisë, Edi Rama tha se edhe këtë sezon të ri veror kufij me Kosovën do të mbeten të hapur.

Ai iu premtoi operatorëve se do të ketë sa më pak shtrëngesa lidhur me kornizën e aktivitetit turistik, ndërsa theksoi synimin që të vaksinohen deri në qershor 500 mijë shqiptarë, që të ketë lehtësim gjatë sezonit.

Lexo Edhe:

“Besoj që sot realisht mund të buzëqeshni sepse me sigurimin e sasive të konsiderueshme të vaksinave, që na japin mundësinë të nisim vaksinimin intensiv ne faktikisht vëmë një bazë të arsyeshme për të pasur sezon turistik më të lehtë”, tha Rama.

“Ne kemi mësuar nga sezoni i shkuar që ishte jashtëzakonisht sfidues për shkak të pandemisë, dhe patjetër që edhe këtë vit ne në radhë të parë do të sigurojmë që kufiri ynë me Kosovën të jetë absolutisht i hapur. Në radhë të dytë do të bëjmë gjithçka na takon që në aspektin e kornizës së aktivitetit turistik, gjithë ju dhe kolegët tuaj të kenë sa më pak shtrëngesa”, ka shtuar Rama.

Ai ka vazhduar duke thënë se duke pasur mundësinë që të bëjnë një vaksinim intensiv, do të zhvillojnë me shumë këmbëngulje të gjithë procesin e vaksinimit me synimin që brenda muajit qershor maksimumi, por duke shpresuar deri në fund të majit të vaksinojnë gjysmë milion qytetarë.

“Vaksinimi është themelor është për këputjen e hallkave të zinxhirit të infeksionit. Shumë e rëndësishme që me vaksinimin të jemi të rregullt, se pastaj bëhemi ne pengesa për të dalë nga ky tunel ku më në fund po shohim dritë. Dhe besoj që faktet flasin vetë”, tha Rama./RTK