Rama prezanton skuadrën fituese të Fierit për Shqipërinë 2030 në BE

Shqiperi

Gazeta Express

19/06/2025 12:48

Kryeministri Edi Rama prezantoi sot zyrtarisht skuadrën fituese të Partisë Socialiste në qarkun e Fierit, pas rezultatit të zgjedhjeve parlamentare të 11 majit. Përmes një videoje dinamike dhe përmbledhëse, Rama solli në vëmendje eksperiencën parlamentare të secilit deputet të PS-së, duke theksuar edhe rolin e tyre në vizionin “Shqipëria 2030 në Bashkimin Evropian”.

Partia Socialiste siguroi 12 mandate në qarkun e Fierit, pesë prej të cilëve nga lista e mbyllur dhe shtatë nga lista e hapur, si dëshmi e mbështetjes së gjerë dhe përfshirjes qytetare në procesin zgjedhor.

Deputetët e qarkut Fier janë si më poshtë:

Lista e mbyllur:

Belinda Balluku

Petrit Malaj

Kiduina Zaka

Erjo Mile

Ana Nako

Lista e hapur:

Antoneta Dhima

Afloral Haxhiu

Ceno Klosi

Elton Korreshi

Klevis Jahaj

Zegjine Çaushi

Ramion Kurti

Në një risi të veçantë për këtë legjislaturë, Partia Socialiste ka vendosur të rikthejë Akademinë Politike – një format edukimi dhe orientimi politik për deputetët e rinj që ulen për herë të parë në sallën e Kuvendit. Kjo akademi synon të përgatisë brezin e ri të ligjvënësve me standarde bashkëkohore, në përputhje me aspiratat e Shqipërisë për integrim të plotë në Bashkimin Evropian deri në vitin 2030.