Rama për mbylljen e TikTok: Mbrojmë fëmijët, mos përdorni VPN

Shqiperi

Gazeta Express

02/04/2025 22:48

Kryeministri Edi Rama, gjatë një vizite në shkollën “Besnik Sykja” në Tiranë, mbrojti vendimin për mbylljen e TikTok në Shqipëri, duke e cilësuar atë si një hap të duhur për mbrojtjen e fëmijëve nga ndikimet negative. Ai paralajmëroi rreziqet e përdorimit të VPN-ve për të aksesuar aplikacionin, duke theksuar se kjo mund të ekspozojë të dhënat personale ndaj hakerëve.

“Përdorimi i VPN-ve është shumë i rrezikshëm, pasi mund të bëjë që të dhënat tuaja të vidhen”, tha Rama, duke u bërë thirrje mësuesve dhe prindërve të informojnë fëmijët mbi këtë çështje.

Ai shtoi se qeveria është në bisedime me TikTok për vendosjen e filtrave të sigurisë për të miturit dhe për një program edukativ mbi shkencën dhe matematikën.