Rama: Mbi 11 milionë pasagjerë në vitin 2025, Aeroporti i Tiranës i pari në rajon

Lajme

Gazeta Express

08/02/2026 14:28

Kryeministri Edi Rama thotë se Shqipëria përpunoi mbi 11 milionë e gjysmë pasagjerë në vitin 2025, duke shënuar një rritje prej 8.7% krahasuar me vitin 2024.

Ai tha se Shqipëria renditet e para në rajon, duke iu referuar statistikave nga Këshilli Ndërkombëtar i Aeroporteve.

“Sipas statistikave të publikuara nga Këshilli Ndërkombëtar i Aeroporteve, Aeroporti Ndërkombëtar i Tiranës – TIA, përpunoi 11.6 milionë pasagjerë në vitin 2025, duke shënuar një rritje prej 8.7% krahasuar me vitin 2024 dhe duke u renditur i pari në rajon“, shkruan ai në një postim në Facebook.

“Gjatë vitit 2025 u shtuan 15 destinacione të reja dhe 7 linja ajrore partnere“, shtoi Rama.

Në grafikun e publikuar nga Rama, aeroporti i Kosovës renditet i treti në Ballkanin Perëndimor.