Qytete të shumta të Ukrainës nën sulm të enjten në mëngjes

Lajme

Gazeta Express

13/03/2025 7:35

Shumë qytete ukrainase u sulmuan të enjten në mëngjes, me një grua 42-vjeçare të vrarë në Kherson, sipas kreut të administratës ushtarake rajonale Roman Mrochko.

Autoritetet në Kiev dhe Dnipropetrovsk gjithashtu raportuan se ishin nën sulm, raporton The Guardian. 

Lajmi vjen pasi presidenti i SHBA-së, Donald Trump tha të mërkurën se negociatorët ishin nisur drejt Rusisë  për bisedime mbi një armëpushim të mundshëm me Ukrainën, pasi Kievi ra dakord për një armëpushim 30-ditor.

Trump nuk dha detaje të tjera, por Shtëpia e Bardhë më vonë tha se i dërguari i tij special Steve Witkoff do të shkonte në Moskë më vonë këtë javë.

“Tani varet nga Rusia”, tha presidenti amerikan.