Qeveria vendos t'i paguajë specializantët këtë vit, Vitia i shqetësuar për ikjen e mjekëve - Gazeta Express
string(88) "qeveria-vendos-ti-paguaje-specializantet-kete-vit-vitia-i-shqetesuar-per-ikjen-e-mjekeve"

Lajme

Gazeta Express

08/02/2023 10:32

Qeveria vendos t’i paguajë specializantët këtë vit, Vitia i shqetësuar për ikjen e mjekëve

Lajme

Gazeta Express

08/02/2023 10:32

Qeveria ka miratuar pagesën e specializantëve me vetëfinancim deri në fund të këtij viti.

Kryeministri Albin Kurti tha se 580 specializantë me vetëfinancim do të paguhen, në mënyrë që të përmirësohet situata në shëndetësi.

Ministri i Shëndetësisë, Arben Vitia tha se “numri i kuadrove profesionale shëndetësore në vend është shumë i ulët krahasuar me vendet e rajonit”, duke përmendur ikjen e mjekëve, raporton Gazeta Express.

Ai tha se në Kosovë ka “numër të vogël të mjekëve për kokë banori”.

Kësisoj, Vitia tha se “ngrihen shqetësime sa i përket qasjes në shërbimet shëndetësore të popullatës”.

“Prandaj Ministria e konsideron pagesën e specializantëve me vetëfinancim si çështje me prioritet për vendin”, tha ministri.

Qeveria miratoi edhe pagesën e 10 specializantëve me vetëfinancim nga Shqipëria, Mali i Zi dhe Maqedonia e Veriut.