Qeveria mohon akuzat për angazhimin e 400 zjarrfikësve: “Manipulime dhe sulme politike”

Maqedoni

Gazeta Express

19/09/2025 19:14

Qeveria ka reaguar ndaj kritikave lidhur me angazhimin e 400 zjarrfikësve, duke i quajtur akuzat e opozitës manipulime dhe pjesë e sulmeve politike.

Në reagimin zyrtar thuhet se për herë të parë po zbatohet një masë e tillë që synon mbrojtjen nga fatkeqësitë natyrore dhe përmirësimin e mjedisit, duke përdorur resurset ekzistuese në mënyrë të plotë.

Lidhur me pagesat, theksohet se ato nuk lidhen me zgjedhjet lokale dhe se mjetet janë siguruar më herët. Personat e përfshirë në këtë masë janë angazhuar më 8 gusht dhe dokumentacioni për pagesë është në proces.

Qeveria thekson se do të vazhdojë të veprojë me transparencë dhe në interes të qytetarëve, ndërsa akuzon opozitën për përhapje të të pavërtetave dhe përpjekje për destabilizim politik.