PZAP i refuzon 6 ankesat tjera si të pabazuara, nis afati dyditësh për ankimim në Supreme

Lajme

Gazeta Express

03/02/2026 16:31

Përveç ankesës së Listës Serbe, PZAP ka refuzuar gjashtë ankesat tjera që i ka pranuar pas shpalljes së rezultateve përfundimtare për zgjedhjet e 28 dhjetorit. ndaj këtyre vendimeve, palët kanë të drejtë të ankohen në Supreme, ku afati për ankesa është 48 orë.

Një ndër to është edhe ankesa e Emilja Rexhepi e cila ishte ankuar për parregullsi në marrjen e votave nga Koalicioni Vakat në vendet e votimit ku nuk ka anëtarë të komunitetit boshnjak.

Po ashtu është refuzuar edhe ankesa e partisë Nova Demokratska Stranka me seli në Prizren kubdër shpalljes së rezultateve përfundimtare.

Si e pabazuar është refuzuar edhe ankesa e koalicionit PAI-PDAK-LPB kundër vendimit të KQZ’së për shpalljen e rezultateve përfundimtare.

PZAP ka rrëzuar edhe dy ankesat e kandidatit të PDK’së për deputet, Bekim Haxhiu.

Edhe Partia Rome e Bashkuar e Kosovës me seli në Prizren ka paraqitur ankesë kundër vendimit të KQZ’së për shpalljen e rezultateve përfundimtare, mirëpo e njëjta është refuzuar si e pabazuar.