Publikohen formacionet zyrtare të ndeshjes Inter – Barcelona

Sport

Gazeta Express

06/05/2025 20:08

Lautaro Martinez bën një rikuperim të jashtëzakonshëm për të startuar përkrah Marcus Thuram për Interin, ndërsa Barcelona e ka Robert Leëandoëskin në stol, kështu që Lamine Yamal dhe Raphinha luajnë në gjysmëfinalen e Ligës së Kampionëve.

Ndeshja luhet në”Giussepe Meazza” me fillim nga ora 21:00, shkruan Gazeta Express.

Ndeshja e parë përfundoi me një triller 3-3, kështu që pa rregullin e golit jashtë fushe, gjithçka vendoset nga fituesi pas 90 minutave, shtesave apo edhe penalltive.

Interi kishte frikë se do të ishte pa kapitenin dhe sulmuesin kryesor pasi ai u largua nga loja në pjesën e parë javën e kaluar, por Lautaro Martinez ka bërë një rikuperim të shpejtë dhe starton përkrah Thuram.

Benjamin Pavard ende nuk është plotësisht i rikuperuar nga një ndrydhje në kyçin e këmbës dhe mungoi edhe në ndeshjen e parë, kështu që Yann Bisseck merr përsipër mbrojtjen.

Pavarësisht spekulimeve, Federico Dimarco dhe Denzel Dumfries janë konfirmuar si lojtarët e krahut.

Barcelona ka humbur Jules Koundé për shkak të një dëmtimi muskulor, kështu që ai mungon së bashku me Alejandro Balde, Marc Bernal, Pablo Torre dhe Marc Casadó.

Pas mungesës në përballjen e parë, Leëandoëski është në dispozicion në stol, por nuk ka luajtur që kur u dëmtua në ndeshjen 4-3 ndaj Celta Vigos më 19 prill.

Rreziku më i madh në ndeshjen e parë ishte Lamine Yamal, i cili e torturoi Dimarcon në krahun e djathtë të Barcelonës.

Mbetet për t’u parë nëse do të jetë po aq ndikues edhe sonte, duke startuar përkrah Dani Olmos dhe Raphinhas pas Ferran Torresit.

Edhe pse Marc Andre ter Stegen u rikthye në fushë fundjavën e kaluar, është ish-portieri i Juventusit, Ëojciech Szczesny, ai që është konfirmuar si titullar.

Problemi më i madh është në mbrojtje, ku në mungesë të Koundés, trajneri Hansi Flick aktivizon Eric Garcían.

Inter: Sommer; Bisseck, Acerbi, Bastoni; Dumfries, Barella, Calhanoglu, Mkhitaryan, Dimarco; Lautaro Martinez, Thuram
Stoli i Inter: Di Gennaro, J Martinez, De Vrij, Zielinski, Arnautovic, Frattesi, Asllani, Carlos Augusto, Darmian, Re Cecconi, Zaleëski, Taremi

Barcelona: Szczesny; Eric García, Cubarsì, Iñigo Martinez, Gerard Martin; Pedri, De Jong, Dani Olmo; Lamine Yamal, Ferran Torres, Raphinha
Stoli i Barcelonës: Inaki Pena, Astralaga, Ronald Araujo, Gavi, Leëandoëski, Ansu Fati, Christensen, Fermin Lopez, Pau Victor, Fort, Farré, Darvich./GazetaExpress/