PSG-ja me rinovime të rëndësishme në skuadër

Sport

Gazeta Express

07/02/2025 22:26

Paris Saint-Germaini ka njoftuar të premten mbrëma se ka arritur marrëveshje me trajnerin Luis Enrique për ta vazhduar kontratën.

Enrique do të jetë në krye të PSG-së deri në verën e vitit 2027. Ai udhëheq skuadrën parisiene prej vitit 2023.

Pos Enriques, Parisi ka vazhduar kontratën edhe me Achraf Hakimin, Vitinhan dhe Nuno Mendesin.

Të tre futbollistët kanë nënshkruar kontratë të vlefshme deri në vitin 2029.

“Paris Saint-Germaini është jashtëzakonisht i lumtur të njoftojë se trajneri Luis Enrique ka zgjatur kontratën e tij me klubin deri në vitin 2027. Po ashtu edhe Achraf Hakimi, Vitinha dhe Nuno Mendes e rinovojnë kontratën deri në vitin 2029”, shkruan Parisi në faqen zyrtare.