PSG bëhet me portier të ri, transferon Chevalier nga Lille

Futboll

Gazeta Express

07/08/2025 17:00

Paris Saint-Germain ka kompletuar një tjetër lëvizje të rëndësishme në këtë afat kalimtar duke siguruar shërbimet e portierit të talentuar Lucas Chevalier nga Lille.

PSG do të paguajë mbi 40 milionë euro për kartonin e Chevalier, një shumë e konsiderueshme për një portier, që tregon besimin e plotë të klubit parisien në cilësitë e 23-vjeçarit francez.

Portieri do të nënshkruajë një kontratë pesëvjeçare, e vlefshme deri në vitin 2030, dhe do t’i nënshtrohet kontrolleve mjekësore gjatë kësaj jave, para se të prezantohet zyrtarisht si lojtari më i ri i kampionëve të Francës.

Chevalier ka qenë një nga portierët më të spikatur në Ligue 1 sezonin e fundit, me paraqitje të jashtëzakonshme për Lille, duke fituar vëmendjen e klubeve të mëdha evropiane.