PSG – Bayern: Trajnerët vendosin për formacionet startuese

Futboll

Gazeta Express

04/11/2025 20:05

Një nga ndeshjet më të mira të xhiros së katërt në fazën e ligës së Ligës së Kampionëve është edhe ajo mes PSG-së dhe Bayern Munchenit.

Kampioni aktual i Evropës do të ketë punë me skuadrën më në formë në botë, me Bayernin që nuk ka as humbje e as barazim në këto ndeshjet e para të sezonit.

Për ndeshjen e sotme që luhet në “Parkun e Princave”, me fillim nga ora 21:00, dy trajnerët i kanë vendosur edhe 11-shet startuese.

Pas lëndimit të Desire Doues, vendin e tij e ka zënë Bradley Barcola, teksa këtij të fundit në sulm i bashkohen edhe Topi i Artë, Ousmane Dembele dhe Khvicha Kvaratskhelia.

Në mesfushë, dyshes së zakonshme, Fabian Ruizit dhe Vitinhas i bashkohet edhe Zairre-Emery.

Në anën tjetër, Bayerni ka Harry Kanen në krye të sulmit, i cili do të ndihmohet nga Michael Olise e Luis Diaz.

Në mbrojtje, në krahë do të luajnë Konrad Laimer e Josip Stanisic.

FORMACIONET E PLOTA:

PSG: Chevalier; Hakimi, Marquinhos, Pacho, Nuno Mendes; Zaïre-Emery, Vitinha, Fabián Ruiz; Kvaratskhelia, Dembélé, Barcola.

Bayern: Neuer; Stanisic, Tah, Upamecano, Laimer; Kimmich, Pavlovic; Olise, Gnabry, Luis Díaz; Kane./GazetaExpress/