Pse po refuzohet pakti i BE-së për migracionin dhe azilin? - Gazeta Express
string(57) "pse-po-refuzohet-pakti-i-be-se-per-migracionin-dhe-azilin"

Lajme

Gazeta Express

17/04/2024 12:06

Pse po refuzohet pakti i BE-së për migracionin dhe azilin?

Lajme

Gazeta Express

17/04/2024 12:06

Kryeministri sllovak Robert Fico tha se ai nuk do të zbatojë rregullat e reja të Bashkimit Evropian për migracionin në vendin e tij, një shenjë e tensionit të vazhdueshëm mbi këtë çështje, pavarësisht një marrëveshjeje të arritur pas vitesh negociatash.

“Ne themi pa mëdyshje se nuk mund të urdhërosh një vend të pranojë, në rastin e Sllovakisë, deri në 300 emigrantë për të cilët nuk di asgjë ose të paguajë 20,000 euro për secilin”, tha Fico në një konferencë për shtyp.

Lexo Edhe:

“Nuk është solidaritet, është një diktat,” tha Fico, duke shtuar se partia e tij Smer-SSD dhe koalicioni qeverisës i Sllovakisë do të votojnë kundër ligjeve të ngjashme në parlamentin kombëtar. Në mënyrë që ai të hyjë në fuqi në të gjithë BE-në, pakti duhet ende të ratifikohet nga shtetet anëtare, të cilët më pas do të kenë dy vjet për ta zbatuar atë.

Më herët, Polonia hodhi poshtë rregullat për shpërndarjen e refugjatëve dhe emigrantëve që hyjnë në kalimet e rregullta kufitare midis vendeve anëtare të BE-së.

'Historic day': EU strikes major deal to reform migration policy

Hungaria gjithashtu kundërshtoi, tha një zëdhënës i qeverisë javën e kaluar. Ai shtoi se Budapesti e konsideron një sistem të tillë “të pamundshëm”.

Pakti për Migracionin dhe Azilin, i cili u votua nga deputetët e Parlamentit Evropian se fundmi, duhet t’i përgjigjet sfidave të sigurisë që paraqet për shtetet migrimi i paligjshëm dhe të sigurojë një ndarje më të drejtë të përgjegjësive midis shteteve anëtare.

Në veçanti, sipas rregullave të reja, kur shtetet anëtare në kufijtë e tyre të jashtëm gjenden nën presion të madh emigrantësh, shtetet e tjera anëtare do të jenë në gjendje të zgjedhin nëse do të pranojnë një numër të caktuar migrantësh ose, nëse refuzojnë, të paguajnë Fondin e përbashkët te BE-së.