Pse lojtarët e Milanit do të kenë mbiemra të tjerë në fanellë, për ndeshjen ndaj Bolognas?

Sport

Gazeta Express

09/05/2025 13:26

Milani do të vazhdojë një traditë të fundit për Ditën e Nënës kur të presë Bolognan në San Siro të premten mbrëma në Serie A.

Lojtarët e Milanit do të veshin mbi fanellat e tyre mbiemrat e vajzërisë së nënave të tyre, në vend të emrave të zakonshëm.

Milani pret Bolognan në një ndeshje shumë të rëndësishme për garën për Champions League.

Aktualisht Milani është në vendin e nëntë, ndërsa Bologna në vendin e shtatë, por vetëm një pikë larg katërshes së parë, me vetëm tre ndeshje të mbetura këtë sezon.

Në Itali, Dita e Nënës festohet këtë fundjavë (konkretisht të dielën), por siqë Milani luan të premten, skuadra ka vendosur të bëjë një homazh publik për nënat e lojtarëve para kohe.

Të gjithë lojtarët do të mbajnë mbiemrat e vajzërisë së nënave të tyre mbi fanella gjatë ndeshjes kundër Bolognas.

Këto emra do të lexohen gjithashtu nga spikeri i stadiumit dhe do të shfaqen në ekranet e mëdha brenda dhe rreth stadiumit.

Gjithashtu, VIP Lounge në San Siro do të jetë i rezervuar për nënat dhe fëmijët e lojtarëve të ekipit të parë, trajnerëve dhe stafit të klubit.

Më poshtë janë mbiemrat që lojtarët e Milanit do të mbajnë në ndeshjen kundër Bolognas:

Maignan (Y. Maignan); Tomori (Sodipo), Gabbia (Colombo), Pavlovic (Pavlovic), A. Jimenez (Sanchez); Loftus-Cheek (Cheek), Reijnders (Lekatompessy); T. Hernandez (Laurence), Pulisic (Harloë), Joao Felix (Carla Felix), S. Gimenez (Zolotarchuk)./GazetaExpress/