Protesta e radhës e PD më 19 nëntor, zbardhet mesazhi për strukturat

Shqiperi

Gazeta Express

12/11/2024 21:31

Partia Demokratike ka bërë me dije se do të mbajë protestën e radhës më 19 nëntor.

Protesta do të mbahet para Parlamentit në orën 17:00, teksa në sallë do të miratohet buxheti i vitit 2025.

“Ditën e martë datë 19 nëntor ora 17:00, të gjithë në protestë para Parlamentit për të kundërshtuar miratimin e buxhetit antiqytetar.

Ju lutem bëni njoftimet në degë për të siguruar pjesëmarrjen”, thuhet në njoftim.

Kujtojmë se kryetari i Partisë Demokratike Sali Berisha bëri me dije përpara disa ditësh se miratimi i buxhetit 2025, do të shoqërohet me protestë të fuqishme rreth parlamentit.